Սիրիայից հարևան երկրներ փախստականների թիվը հասել է 3 միլիոնի: Այս մասին հայտնում է Ria Novosti-ն՝ հղում անելով ՄԱԿ-ի փախստականների հարցերով գերագույն հանձնակատարի վարչության զեկույցին:
«Սիրիացիների մոտ կեսը հիմա ստիպված է լքել իր տունը և փախչել սեփական կյանքը փրկելու համար: Ամեն 8-րդ սիրիացին հատել է սահմանը, ինչը 1 ամբողջ միլիոնով ավել է, քան նախորդ տարի: Մնացած 6,5 մլն սիրիացիները մնացել են Սիրիայի տարածքում, սակայն լքել է իր հարազատ տունը: Նրանց կեսից ավելին երեխաներ են»,- ասվում է զեկույցում:
«Մենք նաև անհանգստացնող նշաններ ենք տեսնում, որ մարդկանց համար գնալով ավելի է դժվարանում երկիրը լքելը. շատերին ստիպում են կաշառք տալ սահմանային ռազմական անցակետերում, որոնց թիվն անխուսափելիորեն աճում է: 1 մարդուն անվտանգ վայր տեղափոխելու կաշառքը 100 դոլար և ավել է (հսկա գումար տեղի բնակչության համար)»,- հետևում է զեկույցից:
Փախստականների մեծ մասը մնում է հարևան երկրներում. 1,14 մլն մարդ՝ Լիբանանում, 608 000՝ Հորդանանում, 815 000՝ Թուրքիայում:
