Քսենիա Սոբչակին վաղուց էին փոխանցել բարեգործական էստաֆետը, համաձայն որի՝ պետք է կա՛մ սառը ջուր լցնես վրադ, կա՛մ գումար փոխանցես բարեգործական հիմնադրամ: Սակայն հաղորդավարուհին չի շտապել մասնակցել համաշխարհային մասշտաբի այդ միջոցառմանը: Նա համարում է, որ աշխարհը գժվել է, և այդ մասին գրել է սոցիալական ցանցում:
«Աաա, մարդիկ, մենք բոլորս գժվել ենք, դուք հասկանո՞ւմ եք: Ritz Carlton-ից դուրս գալու ժամանակ այսօր հանդիպեցի Ֆիլյա Կիրկորովին: Նա առանց բարևելու միանգամից ասաց՝ «Ոնց կարող էիր քեզ վրա դույլով ջուր չլցնեիր: Ես քեզ էի փոխանցել էստաֆետը»: Սա երկու կայացած մարդկանց զրույց է, որոնցից մեկը նստեց սպիտակ Բենթլի և հեռացավ, իսկ մյուսը Աուդիով մնաց այդտեղ: Մենք բոլորս երեխաների ենք վերածվել: Հնարավոր է՝ դա լավ է, իսկ հնարավոր է՝ ոչ: Ժամանակը ցույց կտա»,- գրել է նա:
Քսենիայի բաժանորդները չեն կիսել նրա այդ տրամադրությունը: Նրանք կարծում են, որ հաղորդավարուհին կա՛մ չի հասկացել էստաֆետի էությունը, կամ վախենում է իր վրա ջուր լցնել:
Սակայն ավելի ուշ Քսենիան ապացուցեց, որ սառը ջրից չի վախենում և իր խոսքը պահում է: Նա սառը ջուր է լցրել վրան, սակայն էստաֆետը ոչ ոքի չի փոխանցել: Դրա փոխարեն նա Կիրկորովից պահանջել է անվճար երգել սեփական 60-ամյակի ժամանակ:
«Ես ոչ ոքի էստաֆետ չեմ փոխանցում: Հերիք է հիմարությամբ զբաղվեք: Կիրկորով, սա հատուկ քեզ համար է»,- ասել է նա:
