Գերմանիայում օրգանների փախպատվաստման գործով հերթական սկանդալն է ծագել: Այս անգամ խարդախության կասկածանքի տակ է հայտնվել Բեռլինի Գերմանական կարդիոլոգիական կենտրոնը (ԳԿԿ), որը Եվրոպայում խոշորագույններից է:
Berliner Zeitung և Tagesspiegel պարբերականների տվյալներով՝ մեղադրանքներ կարող են առաջադրվել ԳԿԿ-ի գլխավոր բժիշկներից մեկի նկատմամբ: 2010-2012թթ նա, իբրև թե առանց անհրաժեշտության, ուժեղ ազդեցության դեղորայք է նշանակել գրեթե 30 հիվանդների: Այդ դեղամիջոցները սովարաբար նշանակվում են այն դեպքերում, երբ հիվանդների վիճակը կտրուկ վատանում է և նրանց սրտի փոխպատվաստում է անհրաժշտ լինում: Դա նշանակում է, որ «ծան հիվանդների» անունները ավտոմատ կերպով առաջ էին մղվում համագերմանական այն ցուցակում, որտեղ ընդգրկված են դոնորական օրգաններին հերթագրվածները:
Ընդ որում, ԳԿԿ-ն ինքն է դիմել հետաքնիչներն այն բանից հետո, երբ հատուկ հանձնաժողովը խարդախություններ է բացահայտել: Հարկավոր է նաև պարզել, արդյոք գլխավոր բժիշկը այդ հիվանդներից գումար ստացել է, թե ոչ: Հայտնի չէ նաև, արդյոք այդ խարդախությունների արդյունքում մյուս հիվանդները տուժել են, թե ոչ: