Իտալիայի նախագահ Ջորջո Նապոլիտանոն ցավակցական ուղերձ է հղել ԱՄՆ նախագահ Բարաք Օբամային Իրաքում լրագրող Ջեյմս Ֆոուլիի սպանության առնչությամբ և վճռորոշ կերպով դատապարտել այդ քայլը: Այս մասին գրում է RIA NOVOSTI-ն:
«Ես սարսափով իմացա լրագրող Ջեյմս Ֆոուլիի բարբարոսաբար սպանության մասին լուրը: Կցանկանայի նաև իտալացի ժողովրդի անունից ամենավճռական կերպով դատապարտել այդ սարսափեցնող և նողկալի գործողությունը, որը վերադարձնում է մութ և հին անցյալ` մարդկային կյանքը բարձրագույն արժեք չհամարելով և խախտելով տեղեկատվության ազատության և անկախության հիմանական իրավունքը»,- ասվում է հեռագրում:
Իտալիայի նախագահը նաև ցավակցություն է հայտնել լրագրողի հարազատներին և բոլոր ամերիկացիներին:
