Kardashian Sun Kissed արհեստական արևայրուքի միջոցների շնորհանդեսից հետո Քիմ Քարդաշյանը լրագրողներին հայտնել է գեղեցկության իր գաղտնիքները: Բացի այդ, նա հաղորդել է ամուսնու՝ Քանյե Ուեսթի ճաշակի մասին:
Ըստ 33-ամյա Քիմի՝ ռեփերը գերադասում է շիկահերներին:
«Քանյեն սիրում է մազերի բաց երանգը: Բայց կարծում եմ, որ ես սևահեր կմնամ: Իրականում, մենք հենց երեկ դա էինք քննարկում»,- ասել է նա:
Ամեն դեպքում՝ Քարդաշյանը նաև կեղծամ ունի, որից ցանկության դեպքում կարող է օգտվել:
«Նորթը շատ է սիրում, երբ ես մազերս եմ հարդարում: Սովորաբար այդ ընթացքում նա իմ ծնկներին է նստում: Երբ ես դիմահարդարվում եմ՝ նույնպես: Ես նրան տալիս եմ դիմահարդարման փոքրիկ վրձին, և նա դրա հետ խաղում է»,- պատմել է Քիմը:
