Վրաստանի նախագահ Գեորգի Մարգվելաշվիլին հարգանքի տուրք է մատուցել զինծառայողներին, ովքեր զոհվել էին 2008-ի օգոստոսյան իրադարձությունների ժամանակ: Պետության ղեկավարն այցելել է Մուխատգվերդիի եղբայրական գերեզման և ծաղկեպսակ դրել զոհված զինվորների գերեզմանին: Այս մասին հայտնում է Trend գործակալությունը:
Նախագահն ընդգծել է, որ օգոստոսի 8-ն ազգի համար շատ ծանր օր է, քանի որ այդ օրը զոհվել են վրացական բանակի լավագույն ներկայացուցիչները: «Ռուսաստանը պատերազմ է սկսել և օկուպացրել մեր տարածքի 20 տոկոսը»,- նշել է նա:
Մարգվելաշվիլին նաև խոստացել է, որ երկրի ղեկավարությունն այլևս չի վարվի այնպես, ինչպես 2008-ին, և նոր պատերազմ թույլ չի տա:
Զոհված մարտիկների հիշատակը հարգել է նաև վարչապետ Իրակլի Ղարիբաշվիլին՝ կառավարության անդամների հետ:
