Գերմանիան մտադիր է Ամերիկայի ազգային անվտանգության (ԱԱԱ) լրտեսումից պաշտպանվել նոր տեխնոլոգիաների միջոցով։ Երկրում հայտնագործվել է բջջային հեռախոս, որը, ինչպես հավաստիացվում է, ունի լիակատար պաշտպանություն գաղտնալսումից։ Սակայն, այն հազիվ թե շարքային գերմանացիներին փրկի ամերիկյան հատուկ ծառայությունների լրտեսումից, տեղեկացնում է russian.rt.com-ը։
Ըստ Ամերիկայի ազգային անվտանգության փաստաթղթերի, որոնք հրապարակել է Էդվարդ Սնոուդենը, Գերմանիան գտնվում է այն երկրների ցանկում, որոնց հետևում է մեծամասնությունը։ Այն առաջացրել է պետութան բնակիչների դժգոհությունը։ Նրանք քննադատել են գերմանական կառավարությանը՝ պահանջելով միջոցներ ձեռնարկել իրենց քաղաքացիական ազատություններիh ուղղված ոտնձգությունների դեմ։
Գերմանական իշխանությունների վերջին միջոցառումներից մեկը նոր, տեխնոլոգիապես կատարելագործված բջջային հեռախոսի հայտնագործումն է, որը գաղտնալսումը դարձնում է անհնարին։
Այդ հեռախոսներում կլինի հատուկ հավելված, իսկ մնացածում դրանք սովորականի պես են։ Եթե երկու զրուցակիցներն ունեն այդ հավելվածը, նրանք կարող են ծածկագրել խոսակցությունը։
