Առնվազն 32 մարդ է զոհվել մի շարք ավիահարվածների հետևանքով, որոնք հասցվել են կիրակի Սիրիայի կառավարական զորքերի կողմից: Այդ մասին հաղորդել է France Press գործակալությունը՝ հղում անելով Մարդու իրավունքների մոնիթորինգի սիրիական կենտրոնի (OSDH) տվյալներին:
«17 մարդ, այդ թվում՝ մեկ կին և երեխա են սպանվել Դամասկոսի հյուսիս-արևելքում գտնվող Դումա քաղաքին ուղղված ավիահարվածից: Եվս 15 մարդ, այդ թվում՝ մեկ կին և երեխա, զոհվել են Կֆար Բանտա բնակավայրի ռմբակոծման հետևանքով, որը տեղակայված է մայրաքաղաքից արևելք ընկած հատվածում»,- նշել է Սիրիական կենտրոնի տնօրեն Ռամի Աբդել Ռահմանը:
Ըստ գործակալության տվյալների՝ Դուման և Քֆար Բատնան համարվում են սիրիացի ընդդիմադիրների կարևոր հենակետերից և տարուց ավել է՝ շրջափակման մեջ է: Դրանք ամենօրյա ռմբակոծության և հրթիռային հարձակումների են ենթարկվում սիրիական ռազմաօդային ուժերի կողմից, որոնց զոհ են դարձել տասնյակ, հարյուրավոր մարդիկ:
