Adidas Group-ը 2014-ի արդյունքներով՝ մաքուր շահույթի կանխատեսումը 830-930 մլն եվրոյից նվազեցրել է մինչև 650 մլն եվրո: Այս մասին հայտնում է ITAR-TASS-ը՝ հղում անելով ընկերության հաղորդագրությանը:
Ավելի վաղ հաղորդվում էր, որ 2013-ին Adidas-ի մաքուր շահույթը կազմել է 787 մլն եվրո՝ ավելանալով 6%-ով: Այդպիսով, ընթացիկ տարվա արդյունքներով ցուցանիշի նվազումը կարող է հասնել 17%-ի:
Adidas-ը նաև փոխել է տարեկան շահույթի աճի կանխատեսումը՝ 7-9%-ից մինչև 5-9%՝ չհաշված արժութային տատանումները:
2013թ. ընկերության շրջանառությունը նվազել է 3%-ով՝ մինչև 14.5 մլրդ եվրո:
1948-ին հիմնված գերմանական Adidas արտադրական կոնցեռնը մասնագիտացած է մարզական կոշիկների, հագուստի և պարագաների արտադրության մեջ: Ունի 8 ձեռնարկություն Գերմանիայում և ավելի քան 25 դուստր ընկերություններ՝ այլ երկրներում:
Ընկերությունն արտադրանք է թողարկում Adidas, Reebok, Rockport, Rbk CCM Hockey և Taylor-Made Golf ապրանքանիշների ներքո:
