Եվրամիությունը հրապարակել է այն անձանց և ընկերությունների ընդլայնված ցուցակը, որոնց վրա ազդում են Ուկրաինայի դրության հետ կապված պատժամիջոցները: Այս մասին հաղորդում է ԵՄ պաշտոնական ամսագիրը:
Նորացված «սև ցուցակում» ներառվել են Ռուսաստանի նախագահի վարչակազմի ղեկավարի առաջին տեղակալ Ալեքսեյ Գրոմովը, Ղրիմի ՆԳՆ ղեկավար Սերգեյ Աբիսովը, գործարարներ Արկադի Ռոտենբերգը, Յուրի Կովալչուկը և այլք:
Բացի այդ, պատժամիջոցներ են տարածվել նաև Ռուսական ազգային առևտրական բանկի, «Ալմազ-Անտեյ» գործարանի և «Դոբրոլյոտ» ավիաընկերության վրա: Այսպիսով, եվրոպական պատժամիջոցների ներքո է հայտնվել 95 ընկերություն, իսկ այն ընկերությունները, որոնց նկատմամբ արդեն իսկ գործում են դրանք, 23-ն են:
