ՀՀ արդարադատության նախարար Հովհաննես Մանուկյանից հետաքրքրվեցինք՝ վարչապետի 100 օրն է լրացել, շուտով կլրանա նաև կառավարության 100 օրը, ի՞նչ է փոխվել այս ընթացքում: Հարցին՝ շատերն այն կարծիքին են, որ այս կառավարությունը նախորդից վատն էր, հաշվի առնելով, օիրինակ, այն հանգամանքը, որ կառավարությունը արտոնություն տվեց Սամվել Ալեքսանյանին պատկանող ընկերությանը և այլն, նախարարը պատասխանեց. «Նախ, կարծում եմ՝ 100 օրը լուրջ ամփոփումների համար քիչ ժամկետ է, և 100 օրվա ամփոփումները, որ տեղի կունենան նախարարների կողմից, ուղղակի կնախանշեն այն հիմքերը, որ դրվել են նոր կառավարության կողմից և այն ուղղություններով, որոնց հիմքերով պետք է գնանք և թե ինչ արդյունքներ առաջիկա ամիսների կամ տարիների ընթացքում մենք կունենաք: Խոշոր արդյունքներ երեք ամիս տևողության մեջ, ըստ էության, հնարավոր չէ արձանագրել որևէ երկրում, առավել ևս մեր երկրում՝ բավականին լուրջ հիմնախնդիրների առկայության պայմաններում»:
Նախարարն այս օրերին արդադատության ոլորտում բազմաթիվ խնդիրների առաջ կանգնած մարդկանց է ընդունել: Հետաքրքրվեցինք՝ որևէ մեկի գործով ընթացք տրվե՞լ է: «Բնականաբար, ամսի 8-ին լրանում է կառավարության 100 օրը, կհրավիրենք ասուլիսի»,- ասաց նա:
Նախարարը հաճախ է լինում Ֆեյսբուք սոցիալական ցանցնում: Խոստովանեց, որ տեղեկատվություն հիմնականում համացանցից է ստանում, իսկ հեռուսացույց դիտելու կամ թերթ կարդալու ժամանակ չունի: «Ավելի օպերատիվ ինտերնետից, լրատվական կայքերից եմ ստանում տեղեկատվություն»,- ասաց նախարարը՝ հավալելով, որ հեռուսատեսությունից սահմանափակ է օգտվում, քանի որ ժամանակի խնդիր կա:
Ավելին՝ տեսանյութում:
