Թուրքիայում անցած գիշեր մասշտաբային հատուկ գործողության արդյունքում ձերբակալել են ոստիկանության 55 աշխատակցի, նրանց թվում՝ անվտանգության տարածքային կառավարման դեպարտամենտների ղեկավարներ: Գործողությունն իրականացվել է երկու փուլով երկրի միաժամանակ 25 գավառներում, հայտնում է ITAR-TASS-ը՝ հղում անելով տեղի հեռուստատեսությանը:
Ձերբակալությունն իրականացրել է Անվտանգության գլխավոր վարչության ահաբեկչության դեմ պայքարի բաժինը: Միայն Ստամբուլում ձերբակալվել է մոտ 30 մարդ: Հաղորդվում է, որ հատուկ գործողության համար հիմք է դարձել Թուրքիայյի քաղաքացիների, այդ թվում՝ կառավարության անդամների հեռախոսային խոսակցությունների անօրինական գաղտնալսման գործով հետաքննիչների ստացած նոր տեղեկությունը: Գաղտնալսումն արել են ոստիկանության ներսում «Սելամ Թաուհիդ» գաղտնի կազմակերպության անդամները: Այդ կառույցին կասկածում են ավելի քան 2 200 մարդու, որոնց թվում են՝ քաղաքական գործիչներ, լրագրողներ և ակադեմիական շրջանակների ներկայացուցիչներ, հեռախոսային խոսակցությունների անօրինական ձայնագրության համար:
Ձերբակալվածները կասկածվում են մասնավոր կյանքի, հետաքննության, անձնական ունեցվածքի անձեռնմխելիության գաղտնիության խախտման, պաշտոնական փաստաթղթեր և ապացույյցներ կեղծելու համար:
