Պարզվում է՝ Կիմ Կի Դուկի ընկերուհին դառնալու համար հարկավոր է Երևան թռչել: Չորս օր շարունակ Կիմ Կի Դուկին ուղեկցած vesti.ru-ի ռուս լրագրողուհին անընդհատ փորձում էր ապացուցել, որ հայերեն չի խոսում: Մի երեկո էլ նրան է մոտեցել 60-ամյա մի տղամարդ՝ հարցնելով. «Ասացեք, Ձեր բոյֆրենդը արդեն մեկնե՞լ է, թե՞ դեռ այստեղ է։ Ցանկանում էի ինքնագիր վերցնել»՝ լրագրողուհուն Կիմ Կի Դուկի ընկերուհու տեղ դնելով։
Երևանում «Ոսկե ծիրան» փառատոնին, որն այս տարի նվիրված էր Սերգեյ Փարաջանովի հիշատակին, հրավիրվել էին այն հեղինակները, որոնց ստեղծագործությունները համահունչ են փարաջանովյան ոգուն: Հրավիրվածների թվում են չինացի ռեժիսոր Ցզյա Չժանկեն, իսրայելցի Ամոս Գիթային, լեհ Քշիշտոֆ Զանուսին, վրացի Օթար Իոսելիանին և հարավկորեացի ռեժիսոր Կիմ Կի Դուկը: Նրանք բոլորն էլ ներկայացրել են իրենց ստեղծագործությունները, հանդիպել են հանդիսատեսի հետ և պատվավոր մրցանակներ ստացել: Սակայն միայն Կիմ Կի Դուկի հայտնվել է ցնցել հանդիսատեսին: Առաջին իսկ օրվանից նրան անդադար գրոհել են երկրպագուները:
Ռեժիսորն առավոտից գիշեր ինքնագրեր է բաժանել, լուսանկարվել և պատասխանել է հարցերին և նույնիսկ երգեր է երգել: Արդյունքում հանրությանը հայտնի է դարձել, որ միջազգային կինոփառատոնների ֆավորիտը առաջին անգամ կինոթատրոնում հայտնվել է երեսուն տարեկան հասակում:
Բազմաթիվ մրցանակների թվում Կիմ Կի Դուկն արժանացավ «Փարաջանովի թալեր» մրցանակին:
