ՆԱՏՕ-ի 30 աշխատակից ժամանել է Թուրքիա: Այցի շրջանակներում կազմակերպության ներկայացուցիչները կայցելեն 10 նահանգ և կկատարեն Patriot զենիթահրթիռային համալիրների տեղակայման աշխատանքներ:
Պատվիրակության կազմում ընդգրկված են 10-ական մասնագետներ ԱՄՆ-ից, Գերմանիայից և Նիդեռլանդներից: Պատվիրակությունը Գլխավոր շտաբում հանդիպել է թուրքական զինված ուժերի լիազոր ներկայացուցիչների հետ:
Գլխավոր շտաբի պատրաստած զեկույցն ուսումնասիրելով` պատվիրակությունը կսկսի տարածքի ուսումնասիրությունը, որտեղ կտեղակայվեն համալիրները:
Դաշինքի պատվիրակությունը կայցելի Մալաթիա, Ադանա, Հաթայ, Գազիանթեպ, Շանլիուրֆու և այլ նահանգներ: Զենիթահրթիռային համալիրների տեղակայման վայրը կորոշվի տրանսպորտի, անվտանգության և հաղորդակցության պահանջներին համապատասխանության հիմունքով: Սպասվում է, որ պատվիրակության աշխատանքը Թուրքիայում կտևի 10 օր:
Նախատեսվում է տեղակայել 6 զենիթահրթիռային համալիր, փոխանցում է Грузия Online-ը:
