2012թ. հոկտեմբերին ՀՀ-ում իրականացվել են անշարժ գույքի 17 հազար 413 դրամի գործարքներ, որոնց քանակը 2012թ. սեպտեմբերի համեմատ աճել է 34.4%-ով, իսկ 2011թ. հոկտեմբերի համեմատ` 9.3%-ով:
Անշարժ գույքի կադաստրի պետական կոմիտեի հրապարակած տվյալների համաձայն՝ անշարժ գույքի օտարման գործարքների քանակի 41.2%-ն արձանագրվել է Երևանում, իսկ օտարված անշարժ գույքի 37.7%-ը բազմաբնակարան բնակելի շենքերի բնակարաններն են:
2012թ. հոկտեմբերին, 2012թ. սեպտեմբերի համեմատ, անշարժ գույքի օտարման գործարքների քանակը աճել է 25.4%-ով, իսկ 2011թ. հոկտեմբերի համեմատ` 8.7%-ով: Մասնավորապես, բազմաբնակարան բնակելի շենքերի բնակարանների առուվաճառքի գործարքներն ավելացել են 55.0%-ով, իսկ 2011թ. հոկտեմբերի համեմատ` 8.6%-ով: Երևանում հոկտեմբերին բնակարանների 1քմ մակերեսի հաշվարկով շուկայական միջին գները, սեպտեմբերի համեմատ, աճել են 0.5%-ով:
Մարզերում հոկտեմբերին անշարժ գույքի շուկան, սեպտեմբերի համեմատ, ակտիվացել է 3.9%-ով, իսկ 2011թ. հոկտեմբերի համեմատ` 15.2%-ով: Գները հոկտեմբերին, սեպտեմբերի համեմատ, աճել են 0.6%-ով:
