Նախնական հաշվարկներով` «Ուկրաինայի նավթոգազից» 2012-ին «Գազպրոմը» կարող է պահանջել մինչև $2,7 մլրդ այն դեպքում, եթե «Նավթոգազը» ներկրի ընդամենը 27 մլրդ խմ գազ, ոչ թե 33,28 խմ (գործող պայմանագրի համաձայն` նվազագույն թույլատրելի չափը): Այսինքն` գազի թերալրումը կկազմի 6,28 մլրդ խմ:
2013-ի թերալրումների համար տուգանքը գազի ներմուծումը մինչև 24,5 մլրդ խմ կրճատելու դեպքում կարող է հասնել մոտ $3,8 մլրդ-ի, գրում է «Զերկալո նեդելին»: Եթե ներմուծվի 20 մլրդ խմ գազ, տուգանքը կլինի մոտ $5,7 մլրդ:
Հնարավոր տուգանքի չափը հաշվարկվել է` ելնելով 1000 խմ դիմաց $430 գինը:
Փորձագետները նշում են, որ Ուկրաինա ռուսական գազի ներմուծման մակարդակը գոնե 2011-ի չափով պահելու դեպքում կարող է գերազանցել այն չափը, որի համար Ուկրաինան ամեն դեպքում պետք է ներմուծի` 33,28 մլրդ խմ գազ:
Հիշեցնենք, որ «Գազպրոմի» և «Նավթոգազի» պայմանագրում ընդունված է` «վերցրու կամ վճարիր» սկզբունքը, որի համաձայն` ներկրողը չի կարող ներմուծել ավելի քիչ, քան նշված է պայմանագրում:
2012-ի հունիսին «Գազպրոմի» ղեկավար Ալեքսեյ Միլլերն ասել է, որ Կիևը պետք է 52 մլրդ խմ գազ գնի:
2012-ին Կիևը կուզենար «Գազպրոմից» ստանալ 27 մլրդ խմ գազ, սակայն ռուսական կողմը պնդում է, որ պետք է ներկրի 52 մլրդ խմ:
Երկու կողմերն էլ հայտարարել են, որ առայժմ չեն պատրաստվում դատական կարգով լուծել խնդիրը:
