Հասարակական կարծիքի ուսումնասիրման Ֆրանսիական ինստիտուտը (IFOP) եզրակացրել է, որ ֆրանսուհիների հետաքրքրությունը պոռնոֆիլմերի հանդեպ մեծանում է, հայտնում է yuga.ru-ն:
Այսպես, 1992-ին գեղեցիկ սեռի ներկայացուցիչների ընդամենը 23%-ն էր կյանքում գոնե մեկ անգամ պոռնոֆիլմ դիտել, 2006-ին` 73%-ը, 2012-ին` 82%-ը, հայտնում է Interfax-ը:
Հաճախ պոռնոֆիլմեր դիտողների մեծ մասը մինչև 25 տարեկան կանայք են, ամենաշատը պոռնոֆիլմեր դիտում են աղջիկները, որոնք սեքսուալ փորձ չունեն:
Նրանց թվում, ովքեր հաճախ (ամիսը մեկ անգամ կամ ավելի հաճախ) են պոռնոֆիլմեր դիտում, նախկինի պես ավելի շատ են տղամարդիկ` 34%-ը 5%-ի դիմաց: Ֆրանսուհիների 15%-ն ու ֆրանսիացիների 29%-ը պոռնոֆիլմեր դիտում է տարին մի քանի անգամ:
Մասնագետները պնդում են, որ ժամանակակից հասարակությունում գնալով ավելի շատ զույգեր են բաժանվում ամուսիններից մեկի` համացանցային պոռնոգրաֆիայի, վիրտուալ սեքսի և համակարգչային խաղերի նկատմամբ հակվածության պատճառով:
«Փաստացի, սա դավաճանության տեսակ է. մարդը սեքսուալ հաճույք է ստանում համացանցից` իր զուգընկերոջ հետ հարաբերությունների փոխարեն»,- պարզաբանել է Accord-ի Ամուսնության և ընտանիքի խորհրդատվության կենտրոնի տնօրեն Լիամ Լալլին:
Իսկ օնլայն պոռնոգրաֆիայի ծավալները շարունակում են մեծանալ: Pink Visual կինոընկերությունը ստեղծել է նոր տեխնոլոգիա, որը հնարավորություն է տալիս միավորել իրական սենյակի ու օնլայն պոռնոֆիլմի տարածքները:
