Ազգային տնտեսության հանդեպ ֆրանսիացի սպառողների վստահությունը փոքր-ինչ աճել է: Այս մասին են վկայում ֆրանսիական Insee վիճակագրական վարչության տվյալները՝ փոխանցում է Vesti-ն:
Սպառողների վստահության ցուցիչը նոյեմբերին հասել է 88 կետի՝ դուրս գալով 4 ամսվա նվազումների շարքից: Արդյունքները գերազանցել են փորձագետների սպասումները, որոնք կանխատեսել էին ցուցանիշի աճ մինչև 87 կետի:
Հոկտեմբերին սպառողների վստահության ցուցիչը գտնվում էր 85 կետի նշագծին, ինչն ավելի քան 3 տարվա ընթացքում ամենացածր ցուցանիշն էր:
Ֆրանսիայի տնտեսությունը ամենայն հավանականությամբ կպահպանի թույլ տնտեսական աճը նաև 2013 թվականին: 2012-ին S&P վարկանիշային գործակալությունը սպասում է 0.1% աճ, իսկ 2013-ին՝ ընդամենը 0.4% աճ: Հաջորդ տարի Ֆրանսիան պետք է բյուջետային դեֆիցիտը կրճատի մինչև ՀՆԱ-ի 3 տոկոսը:
