Երգչուհի Շակիրայի նախկին մենեջեր և ընկեր Անտոնիո դե լա Ռուան հայց է ներկայացրել նրա դեմ՝ պահանջելով 100 մլն դոլար վճարել:
Անտոնիո դե լա Ռուան պնդում է, որ նախկին սիրեցյալը չի կատարում պայմանագրի պայմանները՝ հրաժարվելով իրեն վճարել ընդհանուր բիզնեսից ստացված եկամուտների մի մասը:
Զույգը սկսել է հանդիպել 2000-ական թթ սկզբում: Այն բանից հետո, երբ 2004թ-ի շրջագայությունը եկամուտ չբերեց՝ Շակիրան խնդրել է ընկերոջը դառնալ իր մենեջերը և լիովին ղեկավարել «Շակիրա» բրենդից եկող գումարները:
Արգենտինայի նախկին նախագահի որդի Անտոնիո դե լա Ռուայի խոսքերով՝ միայն իր հմուտ ղեկավարման շնորհիվ Շակիրան կարողացավ վաստակել տասնյակ միլիոնավոր դոլարներ, սակայն նախկին մենեջերին չի վճարել կատարած ծառայությունների համար:
Դե լա Ռուան և Շակիրան բաժանվել են 2010թ-ին, սակայն նրանց բիզնես-գործընկերությունը շարունակվել է մինչև 2011թ-ի հոկտեմբեր, քանի դեռ երգչուհու փաստաբանը Շակիրայի նախկին ընկերոջը չէր հայտնել աշխատանքից նրա հեռացման մասին:
