Ուկրաինայի արևելյան շրջաններում կրակը անհրաժեշտ է դադարեցնել այս շաբաթ, հայտարարել է նախագահ Պյոտր Պորոշենկոն երկրի արևելքում խաղաղության հաստատման ու հանդարտության կոնտակտային եռակողմ խմբի առաջին նիստի ընթացքում, հայտնել է RIA Novosti-ն:
Այսօր Պորոշենկոն նիստին նշել է, որ կողմերը պետք աշխատեն պայմանավորվածությունների իրականացման ուղղությամբ, որ ձեռք են բերվել Նորմանդիայում Գերմանիայի կանցլեր Անգելա Մերկելի, Ֆրանսիայի նախագահ Ֆրանսուա Օլանդի ու Ռուսաստանի նախագահ Վլադիմիր Պուտինի հետ:
«Մենք պետք է այս շաբաթ դադարեցնենք կրակը: Ինձ համար անընդունելի է, որ ամեն օր մարդիկ են զոհվում, ամեն օր Ուկրաինան նման բարձր գին է վճարում: Այդ իսկ պատճառով հարկավոր է վերսկսել Ուկրաինայի պետական սահմանի աշխատանքը, որ երաշխավորենք Ոկրաինայի ամեն քաղաքացու անվտանգությունը, որն ապրում է Դոնբասում, անկախ այն բանից, թե ինչ քաղաքական կողմնորոշում ունի»,- Պորոշենկոյի մամլո ծառայությունը մեջբերում է նրա խոսքերը:
Նա առաջարկել է եռակողմ կոնտակտային խմբի նիստեր անցկացնել ամեն օր՝ մշակելու և կոորդինացնելու երկրի արևելքում խաղաղ կարգավորման պլանը:
