Ասիացի բլոգերները հայտնում են, որ մի շարք երկրների քաղաքացիներ լուրջ անհանգստություն առաջնող SMS հաղորդագրություններ են ստանում, որոնք վերաբերում են Ճապոնիայից իրենց տարածք մտած ռադիոակտիվ ամպին:
Սոցիալական ցանցերում օգտատերերը պատմում են, որ իրենց համարներին հաղորդագրություն է գալիս անհայտ համարներից, որտեղ ինֆորմացիա կա, որի մասին իբր հայտնում է BBC-ին:
«Ճապոնիայի կառավարությունը հաստատել է տեղեկությունը «Ֆուկուսիմայի» ԱԷԿ-ից ռադիացիայի արտահոսքի մասին»: Բոլոր քաղաքացիներին խորհուրդ է տրվել կիրառել անվտագության բոլոր միջոցները: Ռադիոակտիվ տեղումների դեպքում անհրաժեշտ է փակել պատուհաններն ու դռները, փակել մարմնի բաց մասերը: Ակնկալվում է, որ այդ ամպերը Ճապոնիայից ձեզ կհասնեն այսօր 16:00-ի սահմաններում: Խնդրում ենք՝ ուղարկեք այս հաղորդագրությունը ձեր ընկերներին»:
Նման հաղորդագրություններ ստացվել են Ֆիլիպիններում, Չինաստանում, ինչպես նաև տարածաշրջանի այլ երկրներում: Բլոգներում կարծում են, որ ինչ-որ մեկը ցանկանում է խուճապ առաջացնել ժողովրդի մեջ: Շանհայում, որտեղ մի քանի օր է՝ անձրևներ են գալիս, ռադիոակտիվ տեղումների մասին հաղորդագրությունները ավելի շատ են ցնցել տեղի բնակիչներին:
Բլոգների հեղինակները խնդրում են չուղարկել այդ հաղորդագրությունները և դադարեցնել իրավիճակը սրելը:
