Դատախազության մոտ այսօր տեղի ունեցավ ՀԱԿ ակտիվիստների ամենուրբաթյա բողոքի ակցիան: Ցուցարարները տարբեր պաստառներով պահանջում էին արդարացնել Հայ ազգային կոնգրեսի 4 ակտիվիստներին` Սարգիս Գևորգյանին, Տիգրան Առաքելյանին, Արտակ Կարապետյանին, Դավիթ Քիրամիջյանին: Նրանք պահանջում էին նաև պատժել երիտասարդների և նրանց փաստաբանների նկատմամբ բռնություն գործադրած ոստիկաններին և պատասխանատվության ենթարկել կեղծ ցուցմունքներ տված ոստիկանության աշխատակիցներին:
ՀԱԿ ակտիվիստ Վարդգես Գասպարին կանգնել էր ՀՀ գլխավոր դատախազության մուտքի մոտ և պարզել «Մարդասպանների իրավական աջակցության կենտրոն» գրառմամբ պաստառ: Ուշագրավ էր նաև ցուցարարներից մեկի բերած` «Դդում եմ, դդում էլ կմնամ» գրությամբ դդումը, որը վերաբերում էր ՀՀ գլխավոր դատախազ Աղվան Հովսեփյանին:
Հիշեցնենք, որ ՀԱԿ ակտիվիստների վերաքննիչ բողոքի հաջորդ դատական նիստը տեղի կունենա նոյեմբերի 17-ին:
