Բոլոր ժամանակների ամենաճանաչելի լոգոտիպերի գները տատանվում են լայն դիապազոնում. քանի դեռ որոշ համաշխարհային բրենդներ իրենց լոգոների համար միլիոնավոր դոլարներ են ծախսում, ոմանց դրանք ընդամենը 15 դոլար են արժեցել, գրում է billionnews.ru-ն: Իսկ կան այնպիսիները, որոնք իրեն լոգոտիպերի համար ընդհանրապես չեն վճարել: Լոգոտիպը ընկերության զարգացման ռազմավարական ֆակտոր է հանդիսանում:
1.Google՝ 0 դոլար է ծախսվել:
Չնայած Google-ի բազմագույն լոգոտիպը տարիների ընթացքում բազմաթիվ փոփոխությունների է ենթարկվել, դրա օրիգինալ դիզայնը ստեղծվել է 1998թ. ընկերության համահիմնադիր Սերգեյ Բրինի կողմից՝ անվճար գրաֆիկական GIPM ծրագրով: Google-ի լոգոտիպի հետագա մշակումներով զբաղվել է Ռուտ Քեդարը:
2.Coca-Cola՝ 0 դոլար է ծախսվել:
Coca-Cola-ի լոգոտիպը ստեղծել է ընկերության հիմնադրի գործընկեր հաշվապահ Ֆրենք Մ. Ռոբինսոնը 1886թ.: Ընկերության պաշտոնական կայքի համաձայն՝ Ռոբինսոնը ցանկացել է յուրահատուկ լոգոտիպ մշակել, այդ պատճառով էլ բազմաթիվ փորձեր է արել, քանի դեռ չի մշակել ձեռագիր հատուկ Spencerian շրիֆտը:
3. Twitter՝ 15 դոլար է ծախսվել:
Ամբողջ աշխարհին արդեն ծանոթ թվիթերյան թռչնակը ընկերությունը ֆոտոբանկում 15 դոլարով է գնել: Նկարի հեղինակը Սայմոն Օքսլին է՝ բրիտանացի նկարիչ, որն ապրում է Ճապոնիայում և իր աշխատանքի համար 6 դոլար է ստացել:
4. Nike՝ 35 դոլար է ծախսվել:
Ընկերության համահիմնադիր Ֆիլ Նայթը հայտնի լոգոն 1971թ. ձեռք է բերել ուսանողուհի Քերոլին Դևիդսոնից, որն այդ ժամանակ գրաֆիկական դիզայն էր ուսումնասիրում:
Լոգոտիպը գնելիս Նայթը աղջկան ասել է. «Այն ինձ դուր չի գալիս, սակայն, հնարավոր է, ժամանակի հետ սկսի դուր գալ»:
5. NeXT՝ 100 000 դոլար է ծախսվել:
1985թ. Apple-ից հեռանալուց հետո Սթիվ Ջոբսի կողմից հիմնված ընկերության լոգոտիպը մշակել է Փոլ Ռենդը, որը մշակել է IBM, UPS և ABC ֆիրմային տարբերանշանները:
6. 2012թ. Լոնդոնի Օլիմպիական խաղեր՝ 625 000 դոլար է ծախսվել:
2007թ. Wolff Olins գործակալության կողմից ստեղծված լոգոտիպն իր անփույթ կերպարի համար քննադատությունների էր ենթարկվել:
7. Pepsi՝ 1 000 000 դոլար է ծախսվել
Լոգոտիպը թարմացվել է 2008թ. Arnell Group ստուդիայի կողմից:
8. BBC՝ 1 800 000 դոլար է ծախսվել
BBC հեռուստաալիքը իր լոգոտիպը վերափոխել է 1997թ.:
9. BP (British Petroleum)՝ 211 000 000 դոլար է ծախսվել:
2008թ. BP ընկերությունը իր լոգոտիպի համար 211 միլիոն դոլար է վճարել: Ogilvy & Mather գովազդային ընկերությունը, սակայն, զբաղվել է դրա հետագա մշակմամբ:
