Այսօր՝ նոյեմբերի 8-ին, ինքնասպանություն է տեղի ունեցել Գեղարքունիքի մարզում: Ժամը 9.30-ի սահմաններում, Մարտունի քաղաքի Պռոշյան փողոցի 2-րդ շենքի բնակիչ 67-ամյա Ժ. Սուքիասյանը ինքնասպանություն գործելու նպատակով 5-րդ հարկից ցած է նետվել և տեղում մահացել:
Ինչպես հայտնում է shamshyan.com-ը, նշված հասցե են մեկնել ոստիկանության Մարտունու բաժնի օպերատիվ խումբը՝ Մարտունու ոստիկանապետ Վահան Մարգարյանի գլխավորությամբ: Դեպքի վայրում քննչական աշխատանքները ղեկավարել է ոստիկանության քննչական գլխավոր վարչության Գեղարքունիքի մարզի քննչական բաժնի Մարտունու քննչական բաժանմունքի քննիչ Քոչար Քոչարյանը:
Փաստի առթիվ քննչական բաժնում նախաքննություն է սկսվել: 67-ամյա տղամարդն ամուսնացած էր, ուներ կին, երեխաներ: Որոշ տեղեկություններով տղամարդը գրություն չի թողել:
