Հարավկորեական Hyundai Motor և նրա գործընկեր Kia Motors ավտոարտադրողները իջեցրել են իրենց որոշ մոդելների «ախորժակը» (վառելիքի ծախսի ցուցանիշները): Արդյունքում ԱՄՆ-ում և Կանադայում ավելի քան միլիոն գնորդ շփոթության մեջ է հայտնվել. իրականում իրենց ավտոմեքենաներն ավելի շատ վառելանյութ էին օգտագործում, քան հաղորդում էին արտադրողները:
Այժմ, երբ ամեն ինչ բացահայտվել է, ավտոտերերը կարող են ստանալ լուրջ փոխհատուցում: Հղում կատարելով Reuters-ին՝ idnes-ը հաղորդում է՝ ենթադրվում է, որ վարորդներին կրեդիտ քարտեր կտրամադրվեն՝ որոշակի գումարով, որն էլ կփոխհատուցի վառելիքի ծախսը:
«Ես անկեղծ հայցում եմ Hyundai-ի և Kia-ի հաճախորդների ներողամտությունը: Ես շատ եմ ցավում, որ այդպիսի սխալմունք է եղել: Ավտոմեքենաների օգտագործման մասին սխալ տվյալներ առաջացան Հարավային Կորեայում մեքենաների թեստավորման ժամանակ»,- պաշտոնական հայտարարությամբ հանդես է եկել տեխնոլոգիաների և զարգացման բաժնի պետ Վ. Ս. Յանգը:
Hyundai-ը և Kia-ն իրենց արտադրության մեծությամբ աշխարհում հինգերորդն են:
