Մայիսի 7-ին, ժամը 21.30-ին ահազանգ է ստացվել այն մասին, որ Քաջարան – Մեղրի ավտոճանապարհին տեղի է ունեցել ՃՏՊ. ավտոմեքենան դուրս է եկել երթևեկելի մասից և գլորվել ձորը. անհրաժեշտ է օգնություն:
ԱԻՆ լրատվական ծառայությունից «Առաջին լրատվական»-ին հայտնում են, որ դեպքի վայր է մեկնել մեկ մարտական հաշվարկ:
Պարզվել է, որ Մ-2 միջպետական ավտոճանապարհի Քաջարան – Մեղրի 7-րդ կմ-ում «Մերսեդես» մակնիշի (32OS736 պ/հ) ավտոմեքենան (վարորդ՝ Գ. Բ.-ը, ծնվ.1978թ.) դուրս է եկել երթևեկելի մասից և գլորվել ձորը մոտ՝ 50-60 մ, ինչից Բ. Գ.-ը (ծնվ.1985թ.) և Ռ. Հ.-ը (ծնվ.1935թ.) տեղում զոհվել են:
Հրշեջ-փրկարարները ձորից դուրս են բերել ուղևորներ Գ. Բ.-ին և Մ. Խ.-ին (ծնվ.1982թ.), ովքեր տարբեր աստիճանի մարմնական վնասվածքներով հոսպիտալացվել են Քաջարանի Բժշկական կենտրոն, որտեղ տուժածների առողջական վիճակը գնահատվել է ծանր:
Հրշեջ-փրկարարները ձորից դուրս են բերել Բ.Գ.-ի և Ռ.Հ.-ի դիերը և հանձնել շտապօգնության աշխատակիցներին:
