Թուրքական իշխանությունները մեկ տարվա ձգձգումից հետո որոշել են գնել նոր սերնդի F-35 կործանիչներ: Ինչպես ասվում է պաշտպանական արդյունաբերության քարտուղարության հաղորդագրությունում, 2018-ին ծրագրվում է հանրապետական օդուժին երկու ինքնաթիռ փոխացնել: Այս մասին հայտնում է ITAR-TASS-ը:
Ընդհանուր առմամբ՝ ըստ «Համատեղ հարվածային կործանիչ» (Joint Strike Fighter) նախագծի շուրջ պայմանավորվածությունների, որի շրջանակում արտադրվում է F-35-ը, Թուրքիան համաձայնել է գնել 100 ինքնաթիռ: Գնումերի մեկնարկի մասին որոշումը պետք է ընդունվեր դեռևս անցած տարվա հունվարին, սակայն հետաձգվել է ֆինանսական նկատառումներով և, մամուլի հրապարակումների համաձայն, ինքնաթիռի որոշ տեխնիկական առանձնահատկությունների հարցում դժգոհության պատճառով:
Գլխավոր հարցը, սակայն, մնում է նախագծի տնտեսական նպատակահարմարությունը: Սկզբում խոսվում էր 245 մլրդ դոլարի մասին, սակայն հետո նախագծի ընդհանուր արժեքը հասել է 400 միլիարդ դոլարի:
Թուրքիային նոր կործանիչն անհրաժեշտ է առկա F-16-երի փոխարինման համար:
Նախագծի համաներդրողների թվում են նաև ԱՄՆ-ն, Ավստրալիան, Մեծ Բրիտանիան, Իտալիան, Հոլանդիան, Կանադան և Նորվեգիան:
F-35-ը բազմաֆունկցիոնալ կործանիչ է՝ նախագծված Stels տեխնոլոգիայի կիրառմամբ և միջուկային մարտագլխիկների տեղափոխման հնարավորությամբ:
