Լիխտեյնշտեյնի բնակիչները Եվրոպայում ամենահարուստն են ճանաչվել, իսկ Մոլդովայի, Բելառուսի և Կոսովոյի բնակիչները` ամենաաղքատը:
GfK Geo Marketing գերմանական սոցիոլոգիական ընկերության անցկացրած հետազոտությունը ցույց է տվել, որ Լիխտեյնշտեյնի բնակիչների գնողունակությունը տարեկան միջինը 57 000 եվրո է: Երկրորդ տեղում Նորվեգիան է, որին հետևում է Շվեյցարիան:
Մոլդովացիները Լիխտեյնշտեյնի բնակիչներից 45 անգամ աղքատ են, հայտնում է Evroobserver ինտերնետ-հրատարակությունը:
Լյուքսեմբուրգցիները մոտ 2 անգամ ավելի ունևոր են Իսպանիայի և Իտալիայի բնակիչներից, որոնց գնողունակությունը տարեկան մոտ 13 000 եվրո է: Սա Եվրոպայում բարեկեցության միջին ցուցանիշ է:
Ցուցակում վերջինը Մոլդովան, Բելառուսն ու Կոսովոն են, որոնց բնակիչները միջին եվրոպական ցուցանիշներից 10 անգամ պակաս են վաստակում:
Ընդհանուր բարեկեցության առումով առաջատարը Գերմանիան է: Երկրորդ տեղում Ֆրանսիան է, երրորդում` Մեծ Բրիտանիան: Այս «եռյակին» բաժին է հասնում եվրոպական բարեկեցության 47%-ը:
Եվրոպայի առավել բարեկեցիկ երկրների տասնյակում ընդգրկված են նաև Լեհաստանն ու Թուրքիան:
Փարիզում ապրողները 2 անգամ ավելի հարուստ են, քան ծայրամասերի բնակիչները: Բուլղարիայում բարեկեցության մեկ քառորդ մասը բաժին է հասնում Սոֆիային:
Դանիայի մայրաքաղաքում և ծայրամասում բարեկեցության մեկ անձի հաշվով եկամտի մակարդակը համապատասխանաբար 23 000 և 21 000 եվրո է:
