Heritage Auctions աճուրդի տունը աճուրդի կհանի «Ապոլլոն-13» և «Ապոլլոն-14» տիեզերանավերի անձնակազմերի հետ երկու անգամ տիեզերքում եղած Աստվածաշունչը: Աճուրդը կանցկացվի մայիսի 14-ին՝ Դալլաս քաղաքում: Հաղորդվում է, որ ամերիկացի տիեզերագնաց Էդգար Միթչելը գրքի օրինակն իր հետ վերցրել է 1971-ի փետրվարի 5-ին առաջին անգամ Լուսնի վրա իջնելիս: Այս մասին գրում է ITAR-TASS-ը:
«Աշխարհում 12 Աստվածաշունչ է մնացել, որոնք «Ապոլլոն-14»-ի անձնակազմի հետ եղել են Լուսնի վրա և ստորագրվել Էդգար Միթչելի կողմից»,- ասել է փորձագետը: Սա գրքի երկրորդ «ճամփորդությունն» էր Լուսին: Առաջին անգամ այն տիեզերքում եղել է 1970-ին՝ «Ապոլլոն-13»-ի անձնակազմի հետ, սակայն վթարի պատճառով տիեզերանավը չի կարողացել վայրէջք կատարել Երկրի արբանյակի վրա:
«Աստվածաշունչերը, որոնք իր հետ վերցնում էր Միթչելը, շատ թեթև էին: Նրանց քաշը հազիվ գերազանցում էր մի քանի տասնյակ գրամը»,- հավելել է փորձագետը:
Աճուրդի տունը հույս ունի Աստվածաշունչը վաճառել ավելի քան 60 հազար դոլարով:
