Կաննի կինոփառատոնը աշխարհի ամենահին և ամենավարկանիշային փառատոներից է:
1.Կազմակերպիչների մտահղացման համաձայն՝ Կաննի կինոփառատոնը պետք է այլընտրանքը դառնար Վենետիկյան կինոփառատոնի, որն ընկել էր նացիստական պաշտոնական իշխանությունների ազդեցության տակ:
2. Որպես փառատոնի անցկացման հնարավոր վայր՝ սկզբում քննարկվում էին Ատլատնյան օվկիանոսի ափին գտնվող Բրարիցը և Միջերկրական ծովի ափին գտնվող Կաննը: Կաննը ընտրվել է առավելապես այն պատճառով, որ Կաննի իշխանությունները խոստացել էին փառատոնի անցկացման համար հատուկ վայր տրամադրել:
3.Կաննի առաջին կինոփառատոնը բացվել է 1939 թ. սեպտեմբերի 1-ին: Այս ժամանակահատվածը ընտրվել է զբոսաշրջիկների լրացուցիչ հոսք ապահովելու համար: Սակայն պլանները չիրականացան, քանի որ այդ օրը պաշտոնապես սկսվեց Երկրորդ համաշխարհային պատերազմը:
4. 1939 թ. առաջին կինոփառատոնի ծրագրում ներառված էին «Օզ երկրի կախարդը» և սովետական «Լենինը 1918 թ.» ֆիլմերը:
5. Փառատոնը վերստին մեկնարկեց 1946 թ. սեպտեմբերի 20-ին: Այդ ժամանակ քաղաքի իշխանությունները դեռ չէին կատարել իրենց խոստումը, և փառատոնն անցկացվում էր կազինոներից մեկում: Կինոփառատոնի հիմնադիրներից մեկը՝ Լուի Լյումերը, իր վրա վերցրեց ժյուրիի նախագահի պարտականությունները և հրավիրեց այնպիսի կինեմատոգրաֆիստների, ինչպիսիք են Բիլի Ուայլդերը, Ռոբերտո Ռոսելինին, Ուոլթ Դիսնեյը և այլք:
6. Սեփական շինություն փառատոնը ձեռք է բերել 1949 թ.: Դա հատուկ այդ նպատակով կառուցված Կրուազետ Փալասն էր, որտեղ էլ փառատոնն անցկացվել է հաջորդ 34 տարիներին:
7. 50-ականներին փառատոնի անցկացման ժամանակը աշնանից տեղափոխվել է գարուն, քանի որ աշնանը զբոսաշրջիկների հոսքը սպասվածից ավելի պակաս է եղել: Սակայն գլխավոր պատճառն այն է եղել, որ Կաննի փառատոնը մյուս փառատոներից ավելի ուշ էր անցկացվում և զրկվում էր պրեմիերաներ ցուցադրելու հնարավորությունից:
8. Փառատոնի մրցանակը՝ «Ոսկե արմավենու ճյուղը», հայտնվել է 1954 թ., երբ փարիզաբնակ ոսկերիչ Սյուզան Լազոնը մի գաղափար առաջարկեց, որ փառատոնի մրցանակը պետք է արմավենին լինի, որը քաղաքի խորհրդանիշն է:
9. Կաննի փառատոնը այն կազմակերպելու համար բավարար միջոցներ չլինելու պատճառով չի կայացել 1948 և 1950 թթ.: 1968 թ. ուսանողական բողոքների պատճառով, որոնք անցկացվում էին ողջ Ֆրանսիայով մեկ, փառատոնը փակվեց դրա պաշտոնական ավարտից հինգ օր առաջ: Մրցանակներ չբաշխվեցին:
10. 1958 թ. Կաննի փառատոնի գլխավոր մրցանակակիր է դարձել սովետական «Թչում են կռունկները» ֆիլմը:
