Վերջերս մամուլը գրում է այն մասին, որ Լինդսի Լոհանը հանդիպում է ամուսնացած տղամարդու հետ: Այն բանից հետո, երբ այդ մասին հարցազրույցներից մեկում հայտարարել է ինքը՝ ամենասկանադալային հայտնիներից մեկը, լրագրողները սկսել են աստղի ընկերոջ մասին տվյալներ հավաքել: Վերջիվերջո, Star ամսագրին հաջողվել է պարզել 27-ամյա գեղեցկուհու ընկերջ ինքնությունը:
Աղբյուրների խոսքերով՝ դա 39-ամյա նկարիչ Դոմինգո Զապատան է: Պարզվում է, որ Լոհանի նոր սիրեցյալը կնոջից բաժանվել է դեռ 2007թ., սակայն ամուսնալուծությունը պաշտոնապես չի գրանցվել: Նրանք երկու երեխաներ ունեն:
Դոմինգոյի համար ամուսնությունը ընդամենը թուղթ է, անձնագրի կնիքը նրա համար ոչինչ չի նշանակում: Հաղորդվում է նաև, որ Զապատան բավականին հարուստ է և պատրաստ է երես տալ իր նոր ընկերուհուն: Լուրերի համաձայն՝ նկարիչը Լոհանին մեքենա, հագուստ է նվիրել և նույնիսկ նրա համար սնունդ է գնում:
Լրագրողները պարզել են, որ Զապատան Նյու Յորքում, Մայամիում և Վենետիկում անշարժ գույք ունի: Հայտնի է, որ Զապատան նաև քանդակագործ է: Նրա աշխատանքների գլխավոր թեմաները սեքսուալությունը, հարստությունն ու էներգիան են:
Դրանից բացի, Զապատան զբաղվում է նաև երաժշտությամբ: Նա Մայքլ Ջեքսոնի և Ջոն Սեկադի երգերի համահեղինակ է հանդիսանում:
Այս զույգի հարաբերությունների մասին այլ մանրամասներ չկան: Հարկ է նշել միայն, որ նրանք վաղուց են ճանաչում միմյանց. 2012թ. Լոհանին և Զապատային միասին նկատել են երեկույթներից մեկում:
