ԵՄ-ն «բազմաթիվ թերացումներ» է հայտնաբերել Ուկրաինայում ընտրությունների անկացման ժամանակ: Այս մասին ասված է երեկուշաբթի երեկոյան ԵՄ Արտաքին քաղաքականության և անվտանգության հարցերով գերագույն ներկայացուցիչ Քեթրին Էշթոնի և կառույցի՝ Բարիդրացիական քաղաքականության և ընդլայնման հարցերով եվրահանձնակատար Շտեֆան Ֆյուլեի համատեղ հայտարարությունում: Այս մասին փոխանցում է ITAR-TASS-ը:
«Անցկացված ընտրությունները խառը տպավորություն են թողել՝ ցույց տալով բազմաթիվ թերացումներ»,- ասված է հայտարարությունում: Դրանցից մեկը, ԵՄ տեսակետից, այն փաստն է, որ Յուլյա Տիմոշենկոն շարունակում է մնալ բանտում:
«Մենք ափսոսանք են հայտնում, որ ընդդիմության ակներև ներկայացուցիչները չկարողացան մասնակցել ընտրություններին դատական գործընթացի պատճառով, որում միջազգային նորմերը չեն պահպանվում»,- հայտարարել են Էշթոնն ու Ֆյուլեն: Այս կապակցությամբ նրանք Ուկրաինայի իշխանություններից պահանջել են «շարունակել երկրի դատական համակարգի բարեփոխումը, որպեսզի նման փաստերն այլևս չկրկնվեն»:
Հայտարարությունում նաև ընդգծվում է, որ ընտրություների վերաբեյալ ԵՄ-ն վերջնական կարծիք կհայտնի հետընտրական գործընթացների գնահատականից՝ ձայների հաշվարկից և խախտումների վերաբերյալ դիտորդների բողոքների ուսումնասիրությունից հետո:
«Եվրահանձնաժողովը ուշադիր կհետևի Ուկրաինայում իրադրության զարգացմանը»,- նախազգուշացրել են նրանք:
Իր հերթին՝ Եվրախորհրդարանի ղեկավար Մարտին Շուլցը կարծիք է հայտնել, որ ընտրությունները «երկրում (Ուկրաինայում) ժողորդավարության համար դարձել են հետընթաց քայլ»: Ուկրաինայի ԿԸՀ-ի կողմից արձանագրությունների 82.62 տոկոսի հաշվարկի արդունքում՝ կուսակցական ցուցակներով Ռեգիոնների կուսակցությունը շարունկում է առաջատար մնալ՝ ընտրողների 32.17 տոկոսի աջակցությամբ, «Բատկիվշինա» միացյալ ընդդիմությանն է աջակցել ընտրողների 23,92 տոկոսը, կոմկուսը հավաքել է ընտրողների ձայների 14,03 տոկոսը, «ՈՒԴԱՌ»-ը՝ 13,39, «Ազատությունը»՝ 9.48 տոկոսը:
