Դատական գործընթացը, որի ընթացքում ծրագրվում է պարզել 2010թ. ապրիլին Մեքսիկական ծոց նավթի արտահոսքի պատճառները ու պատժել մեղավորներին, սկսվելու է հաջորդ տարվա փետրվարին: Երեկ այսպիսի որոշում է կայացրել Նյու Օռլեանի (Լուիզիանա նահանգ) դաշնային դատավորը: Այս մասին տեղեկացնում է ITAR-TASS-ը:
Ի սկզբանե, գործը հարուցվել էր ԱՄՆ արդարադատության նախարարության նախաձեռնությամբ, որպես պատասխանատուներ էին հանդես գալիս բրիտանական նավթագազային BP ընկերությունը ու հորատման աշխատանքներում վերջինիս գործընկեր «Մակոնդո» ընկերությունը:
Երբ մարտին BP-ն համաշխարհային համաձայնության եկավ նավթի արտահոսքից տուժած ֆիզիկական անձանց ու ընկերությունների շահերը պաշտպանողների հետ փոխհատուցման շուրջ, դատը տեղափոխվեց 2013թ. հունվարի 14, իսկ հիմա՝ 2013թ. փետրվարի 25:
2010թ. ապրիլին Մեքսիկական ծոցում BP-ի հարթակում տեղի ունեցած պայթյունին զոհ դարձավ 11 մարդ: Նավթի արտահոսքը հաջողվել է դադարեցնել միայն 3 ամիս անց, երբ ծոցի ջրեր էր հոսել 4,9 մլն բարել նավթ:
