Վրաստանի ՆԳՆ ղեկավար Իրակլի Գարիբաշվիլին մտադիր է լինել յուրաքանչյուր ոստիկանի, քաղաքացու ընկերը, սակայն միաժամանակ անջիջում կլինի հանցագործության նկատմամբ: Այս մասին այսօր լրագրողներին հայտարարել է Գարիբաշվիլին:
«Այսօր անձամբ ինձ համար շատ կարևոր օր է: Առաջին հերթին շատ եմ ցանկանում ի սրտե շնորհակալություն հայտնել Բիձինա Իվանիշվիլիին այն վստահության համար, որը նա անձամբ իմ նկատմամբ դրսևորել է: Ուզում եմ շնորհակալություն հայտնել մեր ամբողջ թիմին, «Վրացական երազանք» կոալիցիային, խորհրդարանին: Ես ամբողջովին հասկանում եմ այն պատասխանատվությունը, որը դրվում է ինձ վրա, սակայն ես պատրաստ եմ ղեկավարել այս համակարգը: Իմ աշխատանքի սկզբունքը կլինի հետևյալը`կլինեմ շատ սկզբունքային, արդար, օրինական և նախարարության ողջ աշխատանքը կհիմնվի այդ սկզբունքների վրա: Ես կոռեկտ կլինեմ, կառուցողական: Յուրաքանչյուր աշխատակցից պատրսատ եմ ընդունել ցանկացած նկատողություն, օբյեկտիվ քննադատություն: Մենք պետք է վերականգնենք ոստիկանության գլխավոր գործառույթը`ժողովրդին ծառայելը: Ես կլինեմ յուրաքանչյուր քաղաքացու առաջին ընկերն ու իրավապաշտպանը: Միաժամանակ կլինեմ նաև յուրաքանչյուր ոստիկանի և աշխատակցի ընկերը, սակայն անզիջում կլինեմ հանցավորության նկատմամաբ»,- հայտարարել է Գարիբաշվիլին:
