Ազգային ժողովում այսօր` լրագրողների հետ հանդիպմանը, «Բարգավաճ Հայաստան» խմբակցության պատգամավոր Վահե Հովհաննիսյանը վերջ է դրել կոալիցոն հուշագրի մասին խոսակցություններին` ընդգծելով, որ կոալիցիոն հուշագրի հարց ԲՀԿ-ում գոյություն չունի: «Մեզ համար շատ պարզ է, որ այն պահից, երբ ԲՀԿ-ն մաս չկազմեց իշխող քաղաքական կոալիցիային, այդ հուշագիրն ունի զուտ պատմագրական նշանակություն»,-ասել է Վահե Հովհաննիսյանը:
Zham.am-ի փոխանցմամբ` «Բարգավաճ Հայաստան» խմբակցության պատգամավոր Նաիրա Զոհրաբյանը երկու ուշագրավ հայտարարությամբ հանդես է եկել: Նախ այն, որ, ըստ էության ԲՀԿ-ն մերժում է Կառավարության ներկայացրած սոցիալական բարեփոխումների մի շարք նախագծերը և առաջարկում քննարկել Հրանտ Բագրատյանի ներկայացրած ծրագիրը, որտեղ բազմաթիվ դրական ու արդյունավետ կետեր կան:
Անդրադառնալով գալիք նախագահական ընտրություններում Սերժ Սարսգայի թեկնածությունը պաշտպանելուն և կոալիցիոն նոր հուշագրի մասին խոսակցություններին` Նաիրա Զոհրաբյանը ևս մեկ անգամ հստակ հայտարարել է, որ կոալիցիա չկա և նոր հուշագրի հարց էլ չի քննարկվել: Նաիրա Զոհրաբյանը նաև հայտնել է իր անձնական կարծիքը, թե ինչ ձևաչափով է ԲՀԿ-ն գնալու նախագահական ընտրություներին. ««Բարգավաճ Հայաստան» կուսակցությունը հանդես կգա սեփական թեկնածուով, իսկ այդ թեկնածուն Գագիկ Ծառուկյանն է»:
