Al-Jazeera հեռուստաալիքը պատմում է Զուբեյդա Ալ-Միկի անունով սիրիացի կին գեներալի մասին, որը հանդես է եկել Բաշար Ալ-Ասադի վարչակարգի դեմ: Ալ-Միկին պատկանում է ալաուիական համայնքին (որին պատկանում է նաև Ասադը) և ծնվել է Գոլանի բարձունքներում:
Գեներալը լրագրողներին պատմել է, որ չի կարողացել հաշտվել այն հանցագործությունների հետ, որոնք ամեն օր իրականացնում են Բաշար Ալ-Ասադի համախոհները: Նրա խոսքերով՝ ապստամբության հենց սկզբից ինքն աջակցում էր ապստամբներին, սակայն չէր կարողանում անցնել նրանց կողմը պետական անվտանգության մարմինների խիստ հսկողության պատճառով:
Ի վերջո, նրան հաջողվել է մոտենալ ընդդիմության անցակետերից մեկին և հայտնել, որ ցանկանում է միանալ նրանց:
Ալ-Միկին սկսել է զբաղվել ընդդիմադիրների ուսուցմամբ: Չնայած նրան արգելել են մասնակցել ռազմական գործողություններին, նա մշտապես գտնվել է ճակատային գծում՝ բազմիցս ցուցաբերելով խիզախություն և ինքնազոհաբերում:
Կինը նաև պատմել է, որ խնդրել է հարազատներին հրաժարվել իրենից, որպեսզի կառավարական ուժերի կողմից վրեժխնդրության զոհ չդառնան: Սակայն ընտանիքը հրաժարավել է դա անել:
