Ճապոնիան և Ատոմային էներգիայի միջազգային գործակալությունը մտադիր են Ֆուկուսիմա պրեֆեկտուրայում, որտեղ տեղակայված է վթարված ատոմակայանը, հետազոտական բազա ստեղծել: Այս մասին հայտնում է Mignews-ը:
Այդ կենտրոնի հիմնական հանձնարարությունը կդառնա ռադիոակտիվ թափոնների ոչնչացման և ռադիոակտիվ մասնիկներով վարակված հողի ախտահանման հավելյալ հնարավորությունների ուսումնասիրումը:
ԱԷՄԳ-ն պատրաստվում է Ճապոնիա ուղարկել մասնագետներ Ռուսաստանից, Ուկրաինայից և Բելառուսից՝ մարդիկ, որոնք մասնակցել են 1986 թվականին Չեռնոբիլի աղետի հետևանքներին առնչվող հետազոտություններին:
Ֆուկուսիմայի տարածքում հետազոտական բազայի ստեղծման մասին համաձայնագիրը այս շաբաթ ստորագրել են պրեֆեկտուրայի նահանգապետ Յուխեի Սատոն և ԱԷՄԳ-ի գլխավոր տնօրեն Յուկիա Ամանոն:
«Ֆուկուսիմա-1» ատոմակայանի վթարից 1,5 տարի է անցել, սակայն մինչ օրս 110 հազար բնակիչ չի կարողանում վերադառնալ հայրենի տուն, քանի որ ընդարձակ տարածքները եթնակա են պարտադիր ախտահանման:
