Ի պատիվ պաշտոնական այցով Լատվիայի Հանրապետությունում գտնվող Նախագահ Սերժ Սարգսյանի`Լատվիայի նախագահ Վալդիս Զատլերսի և տիկին Լիլիտա Զատլերեի անունից երեկ երեկոյան տրվել է պաշտոնական ընթրիք:
***
Նախագահ Սերժ Սարգսյանի բաժակաճառը Լատվիայի նախագահ Վալդիս Զատլերսի անունից` իր պատվին տրված պաշտոնական ընթրիքի ժամանակ
«Մեծարգո´ պարոն Նախագահ և տիկին Զատլերե,
Տիկնա´յք և պարոնա´յք,
Մեծապես զգացված եմ բարեկամ Լատ¬վի¬այում Հայաստանի պատվիրակությանը ցու¬ցաբերված ջերմ ընդունելություն համար: Այսօր ես պաշտոնական այցով գտնվում եմ հյուր¬ընկալ լատվիական հողում գործընկերոջս՝ Լատվիայի նախագահ պարոն Զատլեր¬սի հրա¬վերով: Գրեթե մեկ տարի առաջ էլ պատիվ և հաճույք ունեցանք Հայաստանում հյուրըն¬կալելու տեր և տիկին Զատլերսներին։ Հավա¬տում եմ, որ նման բարձրաստիճան փոխայ¬ցելությունների պարբերականությունը լավա¬գույնս է արտահայ¬տում մեր երկրների միջև առկա քաղաքական երկխոսության և փոխ¬վստա¬հության բարձր մակարդակը։
Մեր երկրների միջև դիվանագիտական հարաբերություններն ունեն ոչ երկարատև՝ 20-ամյա ժամանակագրություն, սակայն մեր ժո¬ղովուրդների միջև սերտ շփումների պատ¬մությունը չի սահմանափակվում այդ կարճ հատ¬վածով: Դիվանագիտական հարաբերու¬թյուն¬¬¬ներն ու մեր պետությունների միջև ըն¬թացող աշխույժ քաղաքական երկխո¬սությունը գալիս են հաստատելու հայ և լատվիացի ժողովուրդների ազատ ու անկախ ապրելու դարավոր երազանքի իրականացումը և այդ իրողությունն անշրջելի դարձնելու գործում փոխադարձ աջակցությունը:
Պատմական զարգացումների բերումով հայերը հայտնի են որպես միջնորդներ Արևելքի և Արևմուտքի, Հյուսիսի և Հարավի միջև շփումներում: Լատվիան չէր վրիպել հայ վաճառականների ուշադրությունից, և հայ առևտրային կապիտալը 19-րդ դարի վերջից ի վեր ներկայություն էր հաստատել այս հյուրընկալ երկրում: Այսօր էլ Լատվիայում բնակվում, աշխատում և ստեղծագործում են ավելի քան չորս հազար հայեր, ովքեր ջանք ու եռանդ չեն խնայում հայ-լատվիական մերձեցմանը, շփումներին նպաստելու համար։
Լատվիահայ համայնքը, սակայն, մեր երկրները կապող բազմաթիվ թելերից մեկն է միայն: Հայաստանն ու Լատվիան շատ առումներով նման երկրներ են: Ի նկատի չունեմ միայն տարածքի ու բնակչության համադրելի լինելու հանգամանքը: Հայաստանը ևս Լատ¬վիայի պես ընտրել է զարգացման եվրոպական ուղին: Մենք դավանում ենք միևնույն արժեք¬ները, որոնք խարսխված են ժողովրդա¬վա¬րության և մարդու իրավունքների պաշտպանության սկզբունք¬ների վրա: Բացի այդ, մեր երկրները հարուստ չեն բնական պաշարներով, ուստի և մենք պար¬տավոր ենք լինել ճկուն և աշխա¬տասեր` մեր զարգացումը կապելով մարդկային կապիտալի, մարդկանց ստեղծագործ հնարա¬վորությունների հետ: Այս ամենին, թերևս, կարող ենք նաև գումարել մեր ընդհանուր անցյալը, և կունենանք այն իրական պատկերը, որը մեզ համատեղ առաջ շարժվելու ամուր հիմքեր է տալիս: Մենք պետք է ջանք ու եռանդ չխնայենք մեր երկու ժողովուրդների ուղղակի շփումները խրախուսելու, ինչպես նաև երկկողմ հարա¬բերությունների քաղաքական, տնտե¬սա¬կան, մշակութային և մի շարք այլ բա¬ղադրիչները բովանդակալից դարձնելու ուղ¬ղությամբ:
Ես անձամբ շատ ջերմ տպավորություններ եմ պահպանել երիտասարդ տարիներին Լատ¬վիա կատարած իմ այցելություններից։ Դոմյան տաճարը, Ռիգայի հին քաղաքի գեղեցիկ ճար¬տա¬րապետությունը, մարդկանց սիրալիր ու բարյացկամ վերաբերմունքը և, վերջապես, խոր արմատացած եվրոպական պատկա¬նելությունը դրոշմվել են ոչ միայն իմ, այլև շատ հայ այցելուների հիշողությունում։ Ուրախու¬թյամբ պիտի նշեմ, որ հետագայում՝ արդեն անկա¬խության տարիներին, երբ ես Ռիգա այցելեցի որպես անկախ Հայաստանի պաշտ¬պանու¬թյան նախարար, համոզվեցի, որ ձեր հրաշալի մայրաքաղաքը տարեցտարի ավելի ու ավելի է գեղեցկանում:
Միմյանց մշակույթի, արվեստի և գրա¬կանության հանդեպ մեր ժողովուրդների հե¬տաքրքրությունը հարուստ պատմություն ունի: Լատվիացի ժողովրդի մեծ զավակ և հայ ժողովրդի լավ բարեկամ Մարիս Չակլայսի թարգմա¬նությունների շնորհիվ Լատվիայի հասարա¬կությունը կարողացավ ճանաչել հայ գրա¬կանությունը: Ուրախ եմ, որ մեր մշակույթի նախարարությունները կարողացել են ըստ արժանվույն գնահատել այս փոխառնչու¬թյուն¬ները և այսօր վերակենդանացնում են լավա¬գույն ավանդույթները` նպաստելով մշա¬կու¬թային շփումների աշխուժացմանը:
Հարգարժա´ն պարոն Նախագահ,
Լատվիայի հետ հարաբերությունները կա¬ռու¬ցելիս հաշվի ենք առնում ոչ միայն համատեղ անցյալը, այլև մեր համատեղ ապագան: Այսօր Լատվիան մեզ համար ոչ միայն բարեկամ է, այլև կարևոր գործընկեր Հայաստան-Եվրա¬միություն համագործակցության շրջանակնե¬րում: Հայաստանը հաստատակամ է Եվրոպա¬կան միության հետ հարաբերությունները խո¬րացնելու իր հանձնառությանը և այդ տեսանկ¬յունից էապես արժևորում է Լատվիայի աջակ¬ցությունը և պատրաստակամությունը՝ սատար կանգնելու եվրոպական մեծ ընտա¬նիքին Հայաստանի մերձեցման ջանքերին: Ընդ որում, մենք Լատվիան դիտում ենք որպես Հայաս¬տանին և Եվրամիությանը կապող ոչ միայն քաղաքական, այլև կարևոր տնտեսական օղակ։
Տիկնա´յք և պարոնա´յք,
Դեպի ապագան ուղղված այս շեշտադրմամբ էլ խնդրում եմ ինձ հետ բաժակ բարձրացնել ի պատիվ
– հյուրընկալ տանտերերի՝ Լատվիայի Նախա¬գահ պարոն Վալդիս Զատլերսի և տիկին Լիլի¬տա Զատլերեի,
– Հայաստանի և Լատվիայի ժողովուրդների պայ¬ծառ ապագայի և
– հայ-լատվիական բարեկամության»:
ՀՀ նախագահի աշխատակազմ
