Ինչո՞ւ Հայ ազգային կոնգրեսի՝ սեպտեմբերին խոստացած հանրահավաքը չկազմակերպվեց. «Կենտրոն» հեռուստաընկերության «Ուրվագիծ» հաղորդման հեղինակի այս հարցին ՀԱԿ համակարգող Լևոն Զուրաբյանը հետևյալ կերպ է պատասխանել.
«Սեպտեմբերին հանրահավաք նախատեսելով՝ մտածում էինք, որ կլինի ԱԺ նստաշրջանը, բազմաթիվ հարցեր կլինեն, որ կարող ենք ներկայացնել ժողովրդին, բացահայտումներ անել և այլն: Բայց այժմ ժողովուրդը հարցնում է, թե որոնք կլինեն Կոնգրեսի առաջնահերթություններն այս ընրություններում: Քանի որ դեռ որոշում չունենք, հանրահավաք չենք անում: Հավատացնում եմ, որ կարող ենք 10 օրում հրապարակ լցնել: Բայց հարցը հետևյալն է. լա՛վ, ժողովուրդը հավաքվեց, մենք էլ ասելիք ունենք, բնականաբար՝ կխոսենք իշխանության չարաշահումներից, կոռուպցիայից, հազար ու մի բան ունենք խոսելու, բայց ժողովրդին դա չի հետաքրքրում, այլ այն, թե ինչ ենք անելու ընտրություններին»:
