Իտալացի փորձագետները հանդես են գալիս գնացքներում անվճար ինտերնետի անցկացման դեմ, քանի որ էլեկտրամագնիսական ճառագայթումը կարող է վնասել ուղևորների առողջությունը:
Փորձագետները կարծում են, որ գրանցվող քանակությամբ ճառագայթումը վնասակար է: Չափումների համաձայն՝ սահմանված նորման 60 տոկոսով գերազանցված է, ոմանց հաշվարկներով՝ 272 տոկոսով: Եթե հաշվի առնենք Քաղցկեղի ուսումնասիրման միջազգային գործակալության տվյալները, ապա ճառագայթման գերազանցումը կազմում է 588 և 6800 տոկոս համապատասխանաբար, գրում է Euromag.ru-ն:
Նշենք, որ չափումներն իրականացվել են Trenitalia ու Ntv ընկերություններին պատկանող գնացքներում:
Հետազոտության արդյունքներից ելնելով Codacons ընկերությունը որոշել է բողոք ներկայացնել Հռոմի, Միլանի, Թուրինի, Բոլոնիայի, Ֆլորենցիայի դատախազություններ, ինչպես նաև Իտալիայի առողջապահության նախարարություն:
«Զայրույթի նամակ» կստանան նաև վերոնշյալ ընկերությունների ղեկավարները:
