Գերմանական Welt am Sonntag պարբերականին տված հարցազրույցում Թուրքիայի արտգործնախարար Ահմեդ Դավութօղլուն հայտարարել է, որ չի հասկանում, թե ինչու են ԵՄ անդամ որոշ երկրներ դեմ իր երկրի` ԵՄ-ին անդամակցությանը, քանի որ իրենք կիսում են Եվրոպայի հետ գրեթե նույն արժեքները:
«Բացի այդ, պատմական արժեքներ ունենք և այդ առումով Եվրոպայի մաս ենք: Որոշ երկրներ նույնիսկ իրենց պատմությունը չեն կարող գրել առանց թուրքական արխիվների: Մենք պաշտպանել ենք Եվրոպան սառը պատերազմի ժամանակաշրջանում: Որոշ եվրոպացիներ կարծում են, որ մենք պետք է մնանք ՆԱՏՕ-ում, սակայն չդառնանք ԵՄ անդամ: Թուրքիան բիրտ իշխանություն չէ, այլ չափավոր ուժ»,- հայտարարել է Դավութօղլուն:
