Վրացական պետհամարանիշերով ավտոմեքենաների գյումրեցի վարորդները զիջել են ու տեղի տվել կառավարության պահանջին:
Նրանք հանդարտվել են ու այսօր ողջ օրն անցկացրել Շիրակի մարզպետարանում: Մարզում գրանցված 657 ավտոմեքենաներից 361-ի փաստաթղթերը արդեն հաշվառված են մարզպետարանում: 71 ավտոմեքենա պահանջվող չափանիշներին չի համապատասխանում: Վարկ տրամադրվում է մինչև 2005թ. դեկտեմբերի 31-ը արտադրված ու 2011թ. փետրվարի 5-ը ներմուծված և հինգ միլիոն դրամը չգերազանցող մեքենաների համար:
Վերջին երկու օրում կնքվել է 24 պայմանագիր, ու շուտով նրանք կստանան հայկական պետհամարանիշեր:
