ՆԱՏՕ-ի գլխավոր քարտուղար Անդրեաս ֆոգ Ռասմուսսենը կտրուկ քննադատել է չորեքշաբթի օրը Սիրիայի և Թուրքիայի սահմանին տեղի ունեցած պատահարը, որի հետևանքով զոհվել է 5 մարդ, հաղորդում է Reuters գործակալությունը:
Նրանք զոհվել են Թուրքիայի հարավ-արևելքում գտնվող Շանլիֆուրա նահանգի Ակչակալի գավառում հարևան Սիրիայի տարածքից նետած հրետանային արկերի հետևանքով, ևս 8-ը վիրավորվել են, այլ աղբյուրների համաձայն՝ վիրավորների թիվը հասնում է 13-ի:
Ռասմուսսենն ավելի վաղ հայտարարել էր, որ ՆԱՏՕ-ն մտադիր չէ միջամտել Սիրիայի գործերին, սակայն պատրաստ է պաշտպանել Թուրքիայի մեջ մտնող բլոկը, նա հեռախոսային զրույց է ունեցել Թուրքիայի արտգործնախարար Ահմեդ Դավութօղլու հետ:
Թուրքական ԶԼՄ-ները նշում են, որ ականը Թուրքիայի տարածքում է հայտնվել սիրիական իշխանությունների կողմից ընդդիմադիր ուժերի վրա կրակ բացելու արդյունքում:
