Ուոլ-Սթրիթում բաժնետոմսերի առևտրի հինգ խոշորագույն բանկերի եկամուտներն ընթացիկ տարվա արդյունքներով` 2006-ից ի վեր կլինեն նվազագույնը: Այս մասին հայտնել է Bloomberg-ը: Անցյալ տարվա հուլիս-սեպտեմբեր ամիսների համեմատ` երրորդ եռամսյակում առևտրային բանկերի եկամուտները նվազել են 14 տոկոսով, փոխանցում է Lenta.ru-ն:
Անցյալ տարի բաժնետոմսերի և այլ արժեքավոր թղթերի առևտուրն այս շուկայում գործող ամենաակտիվ 9 բանկերին 40 մլրդ դոլար եկամուտ էր բերել: Վերջերս նրանց եկամուտները նվազել են ներդրողների վատատեսության հետևանքով:
Բաժնետոմսերի վաճառքից եկամուտների նվազումը համընկնում է ֆոնդային շուկայի աճի հետ: 2012-ի երրորդ եռամսյակում ամերիկյան Standard & Poor’s 500-ի ինդեքսը բարձրացել է 5,8 տոկոսով, իսկ Stoxx Europe 600-ինը` 6,9 տոկոսով:
Գործակալության տվյալներով` բաժնետոմսերի առևտրի շուկայում ամենավատ արդյունքը UBS և Citi Group բանկերինն է: UBS-ը 356 մլն դոլար է կորցրել:
