Թուրքական Anadolu գործակալության փոխանցմամբ՝ Թուրքիայի վարչապետ Ռեջեփ Էրդողանը Kanal 7-ի եթերում անդրադարձել է Քրդստանի աշխատավորական կուսակցության (PKK) դեմ պայքարին.
«Դեռ վաղ է խոսել ահաբեկչությանը հաղթելու և ահաբեկչական վտանգը վերացնելու մասին: Վերջին շրջանում բավական հաճախակիացել են ահաբեկչական հարձակումները: 2012 թվականին գրանցվել է 926 նմանատիպ դեպք, ինչի հետևանքով զոհվել է 107 զինծառայող, 24 ոստիկան, 13 գյուղական պահապան: Սպանված ահաբեկիչների թիվը եղել է 239:
Թուրքիան պատրաստ է դադարեցնել ռազմական գործողությունները, եթե PKK-ն վայր դնի զենքը: Եթե դա տեղի ունենա, ապա մենք վերստին փաստաբաններին հնարավորություն կտանք Իմրալը կղզում հանդիպումներ ունենալ Աբդուլլահ Օջալանի հետ»:
