Թուրք իրավապաշտպան Ռագիփ Զարակօղլուն հարցազրույց է տվել Regnum գործակալությանը, որտեղ կարծիք է հայտնել, որ ցեղասպանության համար պատասխանատու պետությունը նախևառաջ վտանգավոր է հենց Թուրքիայի քաղաքացիների համար, մասնավորապես առկա քրդական խնդրի լուծման համար անհրաժեշտ է դասեր քաղել հայերի ցեղասպանությունից:
Նրա կարծիքով Հրանտ Դինքի սպանության դատավարությունը անարդար է, քանի որ այն անընդհատ ձգձգվում է, իսկ հանցագործները համագործակցում են պետական կառույցների հետ: Սակայն դրական է այն, որ մի քանի հանցագործներ արդեն ձերբակալված են, ինչից հետո նման սպանություններ տեղի չեն ունեցել:
Հայ-թուրքական բարեկամությունը խորհրդանշող հուշարձանի ապամոնտաժումը Զարաքօղլու կարծիքով անընդունելի է:
Թուրքական հասարակության և իշխանությունների վրա ադրբեջանական գործոնի ազդեցությունը Զարաքօղլուի կարծիքով, այդ գործոնն արդեն իրեն սպառել է: Երկու ազգերի միջև միակ ընդհանուր բանը լեզուն է, իսկ Թուրքիայի սխալ քաղաքականությունը մոլորեցնում է հենց Ադրբեջանին: Լեռնային Ղարաբաղի անկախությունն ավիճարկելի է և այնտեղի բնակչությունն ունի ինքնորոշման իրավունք:
