ԱՄՆ-ի ադմինիստրացիան առնչություն չունի «Մուսուլմանների անմեղությունը» ֆիլմի ստեղծման հետ, որն անկարգությունների պատճառ է դարձել Մերձավոր Արևելքում և Հյուսիսային ԱՖրիկայում:
«ԱՄՆ կառավարությունը առնչություն չունի այդ ֆիլմի ստեղծման հետ: Մենք ժխտում ենք դրանում արված բոլոր հայտարարությունները և բովանդակությունը: Մենք ֆիլմը համարում ենք նողկալի և դատապարտման արժանի: Ամերիկան երկիր է, որն ունի տոլերանտության պատմություն և հարգանք դեպի կրոնը, դա մեր ազգի հիմքն է: Մենք ուժեղ ենք, որվհետև մեր երկիրը տարբեր կրոններ դավանող մարդկանց տուն է, այդ թվում` մուսուլմանների»,- հայտարարել է Քարնին:
ԱՄՆ-ում ստեղծված «Մուսուլմանների անմեղությունը» ֆիլմում Մուհամմեդ մարգարեն ներկայացված է անբարենպաստ լույսի ներքո:
Ֆիլմի դեմ բողոքի ակցիաներ են տեղի ունենում Եմենում, Եգիպտոսում, Իրանում: Ցուցարարները փորձել են գրավել Սանայում ԱՄՆ-ի դեսպանատունը, իսկ Կահիրեում ոստիկանությունը ստիպված է եղել կիրառել արցունքաբեր գազ` ամերիկյան դեսպանատունը պաշտպանելու համար:
Հիշեցնենք, որ սեպտեմբերի 11-ին Բենղազիում ամերիկյան հյուպատոսության վրա հարձակման հետևանքով զոհվել էր ԱՄՆ-ի դեսպանը և երեք աշխատակից:
ԱՄՆ-ի դեսպանի սպանությունը առաջինն էր վերջին 33 տարվա ընթացքում, այն դեպքից ի վեր, երբ 1979թ. Աֆղանստանում գերեվարվել և սպանվել է ամերիկացի դեսպան Ադոլֆ Դաբսը:
