Օրեր անց ՀՀ ՊՆ «Մարշալ Բաղրամյան» զորավարժարանում կայանալիք «Փոխգործակցություն 2012» զորավարժությանը մասնակցելու նպատակով Հայաստան ժամանած ՀԱՊԿ անդամ երկրների ազգային ստորաբաժանումների զինծառայողների համար կազմակերպվում են էքսկուրսիաներ, որոնց ընթացքում ՀԱՊԿ անդամ պետությունների զինծառայողները ծանոթանում են Հայաստանի գեղատեսիլ վայրերին, պատմամշակութային հուշարձաններին:
ՊՆ լրատվական ծառայությունից «Առաջին լրատվական»-ին հայտնում են, որ սեպտեմբերի 13-ին «Մարշալ Բաղրամյան» զորավարժարանում տեղակայված ՀԱՊԿ անդամ երկրների ազգային ստորաբաժանումների զինծառայողները մշակութային միջոցառումների շրջանակում այցելել են Ծիծեռնակաբերդ հուշահամալիր, ծաղիկներ և ծաղկեպսակներ են դրել Հայոց Ցեղասպանության անմեղ զոհերի հիշատակը հավերժացնող կոթողին, եղել են Հայոց ցեղասպանության տուն-թանգարանում:
