Մեքսիկայի ապագա նախագահ Էնրիկա Պենյա Նյետոն, որն իր պարտականությունները կստանձնի դեկտեմբերի 1-ին, երկուշաբթի առաջին հանդիպումն է անցկացրել Մեքսիկայի հասարակության ազդեցիկ ներկայացուցիչների` բիզնեսի 300 առաջնորդների, քաղաքական գործիչների և հասարակական ոլորտի հայտնի ներկայացուցիչների հետ: Իր ելույթում նա խոսել է առաջիկա 6 տարիների հիմնական հանձնարարություններից:
Այս մասին հաղորդում է ITAR-TASS-ը:
Իրադարձությունը, որն անցկացվել է Մեխիկոյի Մարդաբանության թանգարանի ներքին բակում, լուսաբանել են 200 լրագրողներ: Նորընտիր նախագահը խոստովանել է, որ ինքը բանավոր մարտերի վարպետ չէ, ավելի շատ սովոր է գործելու: «Ես չեմ ձգտում լավ հռետոր լինել, կձգտեմ տալ լավ արդունքներ, որոնք շոշափելի կլինեն մեքսիկական հասարակության կողմից»,-ասել է Նյետոն:
Նյետոն խոստացել է ականջալուր լինել խորհուրդներին, որոնք իրեն կտան, այդ թվում և ընդդիմադիրները: «Ես ցանկանում եմ լինել նախագահ, որն իր գործողություներում կկողմնորոշվի լսելու ունակության շնորհիվ, սակայն նախևառաջ ես կգործեմ այնպես, որպեսզի նկատելի արդյունքներ տամ, ինչին սպասում են մեքսիկացիները»: Նրա առաջնահերթ նպատակը հասարակության անվտանգությունն է:
Հիշեցնենք` նախագահական ընտրությունները Մեքսիկայում անցկացվել են հուլիսի 1-ին: Ընդդիմադիր Պենյա Նյետոյին աջակցել է ընտրողների 38,21 տոկոսը:
