Թաիլանդի ՆԳՆ նախարարության կարգադրությամբ հոկտեմբերի 1-ից ՆԳՆ կենտրոնական և ադմինիստրատիվ ապարատի աշխատակիցներին կարգելվի աշխատանքային օրվա ընթացքում օգտվել Facebook սոցիալական ցանցից, հաղորդում է Ria Novosti-ն:
Թաիլանդական ՆԳՆ համակարգի աշխատակիցներին, որում ներառվում են տեղական կառավարման մարմինները և մի շարք ադմինիստրատիվ և կոմունալ ծառայություններ, բայց որը չի ներառում ոստիկանությունը, հոկտեմբերի 1-ից արգելվում է Facebook մուտք գործել 8.30ից մինչև կեսօր և 13.00-16.30 ընթացքում, նշվում է փաստաթղթում:
ՆԳՆ-ում ամեն օր տեղի են ունենում տասնյակ հեռուստակոնֆերանսներ: Բացի այդ՝ վարչապետի ապարատի հետ կապը ևս իրականացվում է Համացանցում հեռուստակոնֆերանսի միջոցով: Համակարգի վատ որակը ստիպել է ստուգել աշխատավայրերում աշխատակիցների համացանցի օգտագործումը: Այդ ստուգումը ցույց է տվել, որ մեծ մասը աշխատանքի ժամանակ համացանցը օգտագործում են սոցիալական ցանցերում և առաջին հերթին Facebook-ում շփվելու համար, գրում է հրատարակությունը:
«Մենք ոչ միայն արգելում ենք աշխատանքային ժամին մուտք գործել Facebook, այլ նաև արհեստականորեն դանդաղեցրել ենք այնպիսի ռեսուրսների աշխատանքը, ինչպիսին է, օրինակ, Youtube-ը»,- թերթին ասել է Մանրատ Ռատտանասուկոնտը` ՆԳՆ-ին առընթեր տեղեկատվական տեխնոլոգիաների կենտրոնի տնօրենը:
